फेसबुकमा पछ्याउनुहोस्
बौलीकाली,१४ असार,
नवलपरासी (बर्दघाट सुस्तापूर्व)को बौदीकाली गाउँपालिका वाट कुल एक सय ३० जना विद्यार्थी एसईई परिक्षामा सहभागि भएको मध्य एक सय १४ जना उत्तीर्ण भएका छन् । यो सँगै गाउँपालिकाको समग्र सफलता दर ८७.६९ प्रतिशत रहेको छ ।
गत वर्ष एसईईमा उत्तीर्ण दर ५३ प्रतिशत रहेको बौदीकाली गाउँपालिकामा यस वर्ष नतिजामा उल्लेख्य सुधार भएको बौदीकाली गाउँपालिकाका शिक्षा शाखा प्रमुख जीवलाल भुसालले बताउनु भयो । यस गाउँपालिकाका ८ वटा सामुदायिक विद्यालयका विद्यार्थीहरु एसईई परिक्षामा सहभागि भएका थिए । सबैभन्दा बढी विद्यार्थी सहभागी हुने विद्यालय डेडागाउँ मावि बौदीकाली–२ वाट ३१ मध्ये २७ जना उत्तीर्ण भई ८७ प्रतिशत सफलता दर हासिल गरेको शिक्षा शाखा प्रमुख भुसालले जानकारी दिनु भयो । त्यसैगरी धर्मात्मा मावि बौदीकाली–१ बाट १८ जना मध्ये १६ जना उत्तीर्ण भई ८८.८८ प्रतिशत सफलता दर हासिल गरेको छ । 
सर्वोच्च सफलता दर भने बेलभञ्जयाङ मावि बौदीकाली–३ ले प्राप्त गरेको छ । यहाँका ५ जना विद्यार्थी सहभागी भएका मध्य सबैजना उत्तीर्ण भएका छन् । जसबाट विद्यालयले १०० प्रतिशत सफलता दर कायम गर्न सफल भएको छ ।
सिद्धि विद्याश्रम मावि बौदीकाली–१ मा भने ४ जना सहभागी मध्ये १ जना मात्र उत्तीर्ण भई २५ प्रतिशत नतिजा देखिएको छ । त्यसैगरी शारदा मावि बौदीकाली–३ वाट १५ मध्ये १४ (९३.३३%)जना उत्तीर्ण भएका छन् । नगरडाँडा मावि बौदीकाली–४ वाट २० मध्ये १६ (८०%) जना उत्तीर्ण भएका छन् । उदय मावि बौदीकाली–५ वाट १३ मध्ये १२ (९२.३%)जना उत्तीर्ण भएका छन् भने नगरडाँडा मावि बौदीकाली–६ वाट २४ मध्ये २२ (९५.८३%) जना उत्तीर्ण भएका छन् ।
विद्यालयगत विश्लेषण गर्दा अधिकांश विद्यालयहरूको नतिजा उत्साहजनक देखिएको शिक्षा शाखा प्रमुख भुसालले जनकारी दिनु भयो । गाउँपालिकाले शैक्षिक सुधार तथा गुणस्तर वृद्धिका लागि अझ प्रभावकारी कार्यक्रम ल्याउने तयारी गरेको बौदीकाली गाउँपालिका अध्यक्ष प्रकाश ओझाले बताउनु भयो ।
“नतिजा सुधारका लागि गाउँपाकिाले दुई महिना एसईई तयारी कक्षा सञ्चालन गरेको थियो । अग्रेजि ,गणित र विज्ञान विाषयको कक्षा सञ्चालन गरिएको थियो”,उहाँले भन्नु भयो ।
विद्यार्थी, शिक्षक र अभिभावकहरूलाई बधाई दिँदै गाउँपालिका अध्यक्ष ओझाले आगामी वर्षमा अझ राम्रो नतिजा ल्याउने विश्वास व्यक्त गर्नु भयो ।
